ENG
NGS0057-15KR

Guođoheaddji sabehiiguin (Erik Borg).

Sámi kulturárbbi digitaliseren

Arkiivadoaimmahat fállá nuvttá digitaliseret arkiivvaid mat vurkkoduvvojit sámi museain ja kulturásahusain.

Arkiivadoaimmahat bovde sámi kulturásahusaid ja museaid ovttasbargui digitaliseret ja almmustahttit sámi dokumentašuvnna. 2021 rájes sáhttet sámi museat ja kulturásahusat sáddet iežaset arkiivačoakkáldagaid Sámi arkiivii – Arkiivadoaimmahahkii, mii dasto digitalisere ja almmuha sisdoalu Digitálaarkiivvas. Maŋŋel go arkiivvat lea digitaliserejuvvon, de sáddejuvvojit originálat fas álgovuolggalaš ásahussii.

Dás gávnnat eanet dieđuid

Sámi arkiiva álgá kártet viidodaga, hivvodaga ja áigeguovdilis ovttasbargoguimmiid. Bargu álggahuvvo pilohtan 2021 vuosttaš jahkebealis, ásahan dihte metodihka das movt galgá ráhkkanahttit, čilget ja registreret arkiivvaid báikkis, ja dasto sáddet daid digitaliseremii. Arkiivvat almmuhuvvojit Digitálaarkiivvas (dat oasit mat leat almmolaččat olámuttos) ja fysalaš čoakkáldagat sáddejuvvo ruovttoluotta.

Áigumuš lea ahte digitaliseren galgá čađahuvvot jotkkolaččat vuoruhemiid ja kapasitehta ektui.

Digitaliserendoaibma galgá leat bistevaš fálaldat ja bargu boahtá dan dihte bistit máŋga jagi.

Váldde oktavuođa Sámi arkiivvain dáppe: postmottak@arkivverket.no