Fiskeridirektoratets arkiv

Fiskeridirektoratets arkiv i Statsarkivet i Bergen har om lag 1100 teikningar av båtar. Det er for det meste fiskebåtar men ein kan også finne teikningar av forskingsfartøy, tollkryssarar, passasjerbåtar, lastebåtar, fiskerioppsynsskip, losskøyter, kabelfartøy og sjuketransportfartøy.

Teikningane stammar frå perioden 1920-1980 og det er ofte dei same personane som har laga teikningane. Fleire av teiknarane var tilknytta Fiskeridirektoratets båtkontor. Les meir om teikningane i arkivet etter Fiskeridirektoratet på heimesidene til Statsarkivet i Bergen.