Den viktigaste oppgåva til Arkivverket er å ta vare på arkivmateriale frå statleg verksemd, gjere materialet tilgjengeleg for bruk, føre tilsyn med arkivarbeidet i staten, fylkeskommunane og kommunane og ta initiativ til at private arkiv blir tekne vare på.
Riksarkivet er ein del av Arkivverket og har ansvaret for arkiva etter den statlege sentraladministrasjonen, og arkiva etter Høgsterett. Riksarkivet har også arkiv etter privatpersonar og organisasjonar.
Statsarkivet i Oslo er ein del av Arkivverket og har Oslo, Østfold og Akershus som sitt embetsdistrikt. Statsarkivet er samlokalisert med Riksarkivet.
Statsarkivet i Hamar er ein del av Arkivverket og har fylka Hedmark og Oppland som sitt embetsdistrikt.
Statsarkivet i Kongsberg er ein del av Arkivverket og har fylka Buskerud, Vestfold og Telemark som sitt embetsdistrikt.
Statsarkivet i Kristiansand er ein del av Arkivverket og har fylka Aust-Agder og Vest-Agder som sitt embetsdistrikt.
Statsarkivet i Stavanger er ein del av det norske Arkivverket og har Rogaland fylke som ansvarsområde.
Statsarkivet i Bergen er ein del av Arkivverket og har ansvar for arkiv frå statlege institusjonar i Hordaland og Sogn og Fjordane.
Statsarkiv i Trondheim er ein del av Arkivverket og har Møre og Romsdal, Sør-Trøndelag, Nord-Trøndelag og Nordland som sitt embetsdistrikt.
Statsarkivet i Tromsø er ein del av Arkivverket og har Troms, Finnmark og Svalbard som sitt embetsdistrikt.
Samisk arkiv har ansvar for offentlege arkiv som er viktig for samisk samfunn, historie og kultur, blant anna arkiv frå Reindriftsadministrasjonen og Sametinget. Arkivet har også ansvar for samiske privatarkiv, og har depotansvar for det historiske arkivet til Kautokeino kommune.
Norsk helsearkiv skal ta vare på eldre, bevaringsverdige pasientarkiv frå helseføretaka. Etableringa av Norsk helsearkiv byggjer på forslaga i NOU 2006:5 ”Norsk helsearkiv – siste stopp for pasientjournalene.”
